Durangoko Astronomia Ikasgela

 

Instalazioak

Bisitaldiak

Nola heldu

Nola sortu eta helburuak

Harremanetan jarri

Berriak eta jarduerak

Linkak


 

Nola sortu zen eta zein da bere helburua

Gure planeta, eguzki sistema, izarrak eta orokorrean unibertsoarekin lotuta dauden gaiak, Lehenengo eta Bigarren Hezkuntzako ia maila guztietan agertzen dira, eta ikasgai desberdin batzuetan. Horrexegatik astronomia da gai disziplinarteko garrantzitsuenetariko bat. 

Gai hauek oso didaktikoak izan daitezke eta erakargarriak ikasleentzat, jarduera eta baliabide egokiak erabiltzen badira. Normalean ikastetxeetan ez daude baliabide hauek eta DAI bezalako leku batean bete daiteke funtzio interesgarri bat.

 
 

 Instalazio honen sorketa laurogeigarren hamarkadan gertatu zen. Intxaurrondo Ikastetxetik  behatoki bat eraikitzea ikastetxean lortu zen udalaren laguntzari esker. Bai ikastetxeko ikasleek  bai kanpokoek erabiltzen zuten behatokia. 

Denbora pasa ahala beste elementu didaktiko batzuk gaineratu ziren, horien artean planetario bat.

Proiektua A.C.E.X. programan sartu zen eta Joakin Ruedak denbora gehiago izan zuen gai honetan lan egiteko.

Garai hartako irudi bat

 
   2000. urtean lan handiak egin ziren eraikinean beste ikasketa batzuetara  egokitzeko. Hori dela eta bertan behera geratu zen astronomia gela 2006. urtera arte. Momentu horretan beste gela bat prestatzen da eta modulu didaktikoak hara eramaten dira. Hasieran Izarra Astronomi Elkarteak erabiltzen du, eta 2007-08 ikasturtean arduradun berri batek hartzen du errelebua eta lan didaktikoa jarraitzen du ikasle eta irakasleekin.

 

 
  Lehenengo orrialdera bueltatu